Profesori ndërkombëtar: Tri provokimet e Ramës, fyerje e akuza për linçimin e Bashës - Bota Sot
Profesori ndërkombëtar: Tri provokimet e Ramës, fyerje e akuza për linçimin e Bashës

Shqipëria

Profesori ndërkombëtar: Tri provokimet e Ramës, fyerje e akuza për linçimin e Bashës

Nga: G.B Më: 24 maj 2019 Në ora: 10:31
Prof. Asoc. Dr. Enver Bytyçi

Tri letra publike i ka shkruar kryeministri shqiptar Edi Rama, Lulzim Bashës.

Këto tri letra, profesori universitar Enver Bytyçi i quan tri provokime në stilin pervers të komunikimit të tij, përcjell Bota sot.

Përmes një postimi në llogarinë e tij në Facebook, ai ka shkruar në nuk vërehet asnjë lloj pendese apo reflektimi dhe se tri letrat janë me fyerje dhe akuza për linçimin e opozitës dhe kryetarit të saj, Bashës.

Bytyçi ka shkruar se ky është i vetmi kryeministër në botë, që pasi e rrënon vendin dhe mashtron qytetarët e vet, fillon e tallet me ta, i urren dhe i provokon në mënyrën më mashtruese.

Më poshtë mund ta lexoni postimin e tij të plotë në Facebook:

Tri letrat e provokimit

Tri letra në tri ditë. Tri provokime të kryeministrit të Shqipërisë në stilin pervers të komunikimit të tij! Asnjë shenjë se ai ka nxjerrë ndonjë mësim nga zemërimi i shqiptarëve që ka shpërthyer kudo në Shqipëri kundër tij! Asnjë lloj pendese dhe as reflektimi!

Tri letra me fyerje dhe akuza për linçimin e opozitës dhe kryetarit të saj, zotit Basha! Intriga, hipokrizia, alegoria me negativitet, kërcënimi, pastaj lotët e krokodilit për fatin e opozitës "jashtë sistemit", përsëri kërcënime dhe intriga, të gjitha këto i shoqërojnë letrat për dialog të Edi Ramës drejtuar Lulzim Bashës.

Ky është i vetmi kryeministër në botë që pasi e rrënon vendin e tij dhe i mashtron qytetarët e vet për gjithçka bën, fillon e tallet me ta, i urren dhe i provokon ata në mënyrën më poshtruese të mundshme! Ky kryeministër nuk i njeh kufijtë e të keqes, as kufijtë e turpit, sepse nuk matet me dinjitetin, por me perversitetin e tij! Dinjiteti është nocion që nuk ekziston për Edi Ramën!

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...