Samiti i liderëve të BE, Presidenti i PE Sassoli: T’i hapen dyert Tiranës e Shkupit

Shqipëria

Samiti i liderëve të BE, Presidenti i PE Sassoli: T’i hapen dyert Tiranës e Shkupit

Më: 17 tetor 2019 Në ora: 18:05
David Sassoli

David Sassoli, Presidenti i Parlamentit Europian është shprehur pro hapjes së negociatave për Shqipërinë dhe Maqedoninë e Veriut me Bashkimin Europian.

Sassoli deklaroi në hapje të samitit të liderëve të BE, se Parlamenti Europian mbështet hapjen e menjëhershme të negociatave të pranimit dhe se do jetë e vështirë të shpjegohet pse po vonohet kjo gjë.

Presidenti i Parlamentit Europian tha gjithashtu se është detyra e BE t’i përgjigjet përpjekjes së këtyre vendeve.

“Ne mbështesim hapjen e menjëhershme të negociatave të pranimit me Maqedoninë e Veriut dhe Shqipërinë. Komisioni Evropian është në favor të kësaj dhe ne do ta kemi të vështirë t’i shpjegojmë njerëzve të atyre vendeve pse e vonojmë atë. Kur ne u bëjmë thirrje vendeve fqinje të bëjnë një përpjekje shtesë për të ndryshuar dhe ata e bëjnë këtë, është detyra jonë që të përputhemi me këtë përpjekje”, është shprehur Presidenti i PE.

commentFirst article
Sot mund të lexoni Shfletoni kopertinat