Zbulohen detaje të reja lidhur me aksidentin tragjik të ndodhur gjatë natës mes të enjtes dhe të premtes, ku një 30-vjeçar humbi jetën në aksin rrugor Plepa-Shkozet, në Durrës.
30-vjeçari Erjon Beli, me banim në Kavajë, i cili punonte si këngëtar i muzikës live nëpër lokale, mbeti i vdekur si pasojë e përplasjes së makinës tip “Renault” me të cilën udhëtonte, me trafikndarësen,
Nga hetimet e kryera rezulton se i riu ka qenë duke ecur me së paku 100 kilometër në orë, ndërkohë që pasagjer ishte vëllai i tij, i cili shpëtoi vetëm me disa lëndime të lehta.
Po ashtu rezulton se në kohën e aksidentit, Beli ka qenë me telefon në dorë, duke folur me kamerë.
Kjo duket se e ka bërë situatën fatale, duke bërë që Beli të humbasë kontrollin e mjetit, duke u përplasur me bordurën e rrugës.
Mësohet gjithashtu se i riu kishte vetëm dy ditë që ishte kthyer nga Italia.
