Koordinimi i gabuar i semaforëve rrit rrezikun për aksidentet dhe rëndon trafikun. Në disa kryqëzime të kryeqytetit semaforët hapen njëkohësisht si për këmbësoret edhe për automjetet duke u shndërruar në burim aksidenti. Qytetarët kërkojnë ndërhyrje pasi mossinkronizimi i semaforëve rëndon trafikun dhe pengon lëvizjen e këmbësorëve.
Në disa kryqëzime të kryeqytetit vijon të mbetet problematike sinjalistika e duhur e semaforëve.
Në shumicën e rasteve semaforët hapen njëkohësisht si për këmbësoret edhe për automjetet duke u shndërruar në burim aksidenti.
Probleme ka në rrugën 5 maji, rrugën Bardhyl , bulevardin Dëshmorët e Kombit, në kryqëzimin tek inxhinieria dhe një sërë aksesh në tjera.
Drejtuesit e mjeteve kërkojnë zgjidhjen e kësaj problematike pasi sipas tyre pengon lëvizjen e tyre duke rënduar trafikun.
Qytetar: 80 përqind e semaforëve në atë formë janë. Është burim aksidenti dhe burim trafiku.
Qytetar: Është rrezik aksidenti. Duhet një zgjidhje.
Për ekspertin e sinjalistikës Gëzim Hoxha, përpos këtij problemi, në rrugë janë edhe vijat e kalimit të këmbësorëve që në disa akse janë të panevojshme dhe legjitimimi i tyre nga ana e Bashkisë ngre pikëpyetje.
Hoxha: Semaforët tanë janë të pastudiuar. Ne kemi vija kalim-këmbësorësh ku janë shkollat. Vija të tilla duhet të ketë shumë të rralla në qytetin e Tiranës, aty ku është e domosdoshme dhe e nevojshme. Dhe vija e kalimit të këmbësorëve duhet të jenë vetëm tek semaforët.
Koordinimi i gabuar i semaforëve për këmbësorët por dhe drejtuesit e mjeteve rrit rrezikun për aksidentet.
