Varhelyi: Do të ofrojmë 28 milionë euro si shpërblim për punën e bërë - Bota Sot
Varhelyi: Do të ofrojmë 28 milionë euro si shpërblim për punën e bërë

Shqipëria

Varhelyi: Do të ofrojmë 28 milionë euro si shpërblim për punën e bërë

Më: 16 janar 2020 Në ora: 13:12
Oliver Varhelyi

Komisioneri i ri për zgjerimin, Oliver Varhelyi në një konferencë të përbashkët për mediat, me kryeministrin Rama ka thënë se shpreson shumë që negociatat të nisin përpara samitit të Zagrebit.

“Ne vijojmë ta konsiderojmë Shqipërinë si një vend që është gati të hapë negociatat. Fakti që në tetor nuk u hapën negociatat kishte të bëjë me shqetësimet e disa shteteve. Ne do të punojmë deri kur ta arrijmë qëllimin për hapjen e negociatave. Po punojmë për hapjen e negociatave para Samitit të Zagrebit”, shprehet komisioneri në fjalën e tij.

Komisioneri shton se duke çmuar punën e bërë nga Shqipëria, ai do të ofrojë 28 mln euro si një shpërblim.

“Ju jap edhe një lajm të mirë, duke pasur parasysh punë e mirë të bërë nga Shqipëria nga fondet e paraaderimit, kemi mundësi të japim 28 mln euro për shpërblim për performancën e mirë që është bërë. Lajm të mirë edhe nga PE, por ai ka një procedurë që duhet ta ndjekë, por propozimin e kemi çuar në PE dhe besoj se gjithçka do të vazhdojë shumë shpejt”- tha ai.

Duke shprehur ngushëllimet e tij për të afërmit e viktimave të 26 nëntorit ai shton: “Do të qëndrojmë përkrah Shqipërisë për ta ndihmuar me çfarëdo mundemi”.

Shfaq komentet
comments powered by Disqus
Sot mund të lexoni Shfletoni kopertinat