Shënohet një tjetër viktimë si pasojë e koronavirusit në vend. Në spitalin Infektiv paraditen e sotme ka gjetur vdekjen një paciente rreth 81 vjeç.
Burime nga spitali bëjnë me dije se pacientja ishte e shtruar tek reparti i sëmundjeve të brendshme, ku dhe është infektuar.
Mësohet se ajo ishte e shtruar bashkë me të shoqin tek spitali Infektim, pas transferimit nga reparti i sëmundjeve të brendshme, i cili pak ditë më parë u kthye në një vatër koronavirusi.
Ministria e Shëndetësisë informon zyrtarisht se, referuar shërbimit infektiv, një 81-vjeçare ka ndërruar jetë nga insuficienca multiorganore.
E moshuara, sipas këtij shërbimi, ishte asimptomatike për Covid-19, por e prekur nga virusi.
81-vjeçarja vuante dhe nga insuficiencë multiorganore kronike të dekompensuar (kardiake, renale, metabolike, diabet insulinovartes), bartëse e sars cov2, por pa simptoma.
