Bashkia e Sarandës ka lënë jashtë vëmëndjes fshatin Metoq, disa banorë këtu janë izoluar për shkak të infrastrukturës rrugore. Problemet e tyre nuk kanë gjetur zgjidhje për vite me rralle.
Kjo është rruga që të çon në një nga lagjet e fshatit Metoq, në Sarandë.
1 km rrugë e amortizuar vështirëson jetën e banorëve.
Është më pak se 1 kilometër rrugë , por plotësisht e amortizuar që vështirëson jetën e banorëve.
“Makina shkatërrohet dhe fëmijët e kanë shumë të vështirë kur shkojnë në shkollë. E kanë lënë në këtë gjendje për 600 metra rrugë”, shprehen banorët.
Rruga e ndodhur në këtë gjendje prej 20 vitesh, nuk ka as ndricim. Errësira dhe gropat vështirësojnë kalimin natën.
“Këtu nuk ka ndriçim , nuk kanë vënë asnjë dritë dhe kemi frikë të kalojmë natën”, shprehen banorët.
Kërkesat e vazhdueshme në Bashkisë e Sarandës, për regabilitimin e rrugës dhe vendosjen e ndricimit nuk kanë marrë përgjigje.
“Jemi bërë për të ikur nga këtu të gjithë si lagje”, shprehen banorët.
Përmirësimi i gjëndjes është premtim që e kanë marr shpesh në fushata elektorale por siç thonë, pasi ju amrrin votën i harrojnë.
“Për fushata premtojnë të gjithë, por asgjë s bën asnjëri , vijnë për votat dhe më pas zhduken”, shprehen banorët.
Lagjet periferike dhe fshatrat përrreth në Sarandë, vuajnë mungesën e vëmëndjes së institucionit të drejtuar nga Adrian Gurma. Rrugët dhe uji janë ende shqetësimet kryesore për banorët rreth qendrës së qytetit.