Merr detyrën ambasadori i ri i Spanjës në Tiranë, pritet nga presidenti Meta

Shqipëria

Merr detyrën ambasadori i ri i Spanjës në Tiranë, pritet nga presidenti Meta

Më: 3 dhjetor 2021 Në ora: 23:25
Alvaro Renedo Zalba është pritur nga Presidenti Ilir Meta me rastin e paraqitjes së Letrave Kredenciale

Alvaro Renedo Zalba është ambasadori i ri i Spanjës në Tiranë. Zalba është pritur nga Presidenti Ilir Meta me rastin e paraqitjes së Letrave Kredenciale.

Në një postim që ka bërë në rrjetet sociale, Meta shprehet se i ka uruar Ambasadorit suksese në misionin e tij diplomatik në Shqipëri, si dhe vlerësoi rritjen e shkëmbimeve të fundit politike mes dy vendeve dhe nënvizoi rëndësinë e vijueshmërisë më tej të bashkëpunimit, sidomos në fushën ekonomike e tregtare, turizëm, art, kulturë dhe arsim duke shfrytëzuar potencialet ekzistuese reciproke.

Postimi i plotë: 

Prita sot në një takim të ngrohtë Ambasadorin e ri të Spanjës, Sh.T.Z. Álvaro Renedo Zalba me rastin e paraqitjes së Letrave Kredenciale, duke i uruar suksese në misionin e tij diplomatik në Shqipëri për intensifikimin e mëtejshëm të marrëdhënieve shumë të mira mes dy vendeve tona. Vlerësova rritjen e shkëmbimeve të fundit politike mes Shqipërisë dhe Spanjës, si dhe nënvizova rëndësinë e vijueshmërisë më tej të bashkëpunimit, sidomos në fushën ekonomike e tregtare, turizëm, art, kulturë dhe arsim duke shfrytëzuar potencialet ekzistuese reciproke. E falenderova Ambasadorin veçanërisht për qëndrimin mbështetës të Spanjës për mbajtjen e Konferencës së Parë Ndër-Qeveritare të Bashkimit Europian me Shqipërinë dhe ndihmën që vendi i tij i ka dhënë Shqipërisë në procesin e integrimit europian.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat