Plagosja e qytetarit shqiptar nga tifozët e Feynoordit, reagon policia: Kemi shoqëruar 8 persona

Shqipëria

Plagosja e qytetarit shqiptar nga tifozët e Feynoordit, reagon policia: Kemi shoqëruar 8 persona

Më: 24 maj 2022 Në ora: 21:26
Foto ilustrim

Policia e Shtetit ka reaguar në lidhje me incidentin e ndodhur në Tiranë, ku një shtetas shqiptar u rrah brutalisht nga tifozët e Feynoordit pas një incidenti në një kafe në zonën e “9 katësheve”.

Përmes një komunikate zyrtare policia bën me dije se i dëmtuar ka mbetur shtetasi 45-vjeçar me inicialet A.G, i cili është konfliktuar me disa tifozë holandezë në gjendje të dehur.

45-vjeçari ndodhet në spital, nën kujdesin e mjekëve, jashtë rrezikut për jetën, ndërkohë që policia ka shoqëruar 8 persona në lidhje me ngjarjen.

Grupi hetimor dhe policia po punojnë për sqarimin e rrethanave të ngjarjes.

Tiranë/Informacion paraprak

Më datë 24.05.2022, te kafe “Europa” disa shtetas holandez (tifozë), në gjendje të dehur janë konfliktuar me shtetasin shqiptar A. G., 45 vjeç.

Gjatë konfliktit fizik është dëmtuar shtetasi A. G., dhe ndodhet në spital, nën kujdesin e mjekëve, jashtë rrezikut për jetën.

Shërbimet e Policisë kanë shoqëruar 8 shtetas holandezë.

Grupi hetimor po punon sqarimin e rrethanave të ngjarjes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat