Reagimi në Bruksel për veton e Bullgarisë/ Ish-kryeministri Berisha: Rama shpërtheu në sharje prej ordineri! U diktua nga padroni i tij Vuçiç

Shqipëria

Reagimi në Bruksel për veton e Bullgarisë/ Ish-kryeministri Berisha: Rama shpërtheu në sharje prej ordineri! U diktua nga padroni i tij Vuçiç

Më: 24 qershor 2022 Në ora: 23:27
Edi Rama dh Sali Berisha

Ish-kryeministri Sali Berisha ka bërë një koment në rrjetet sociale në lidhje me reagimin e kreut të qeverisë Edi Rama në Bruksel pas bllokimit të negociatave nga vetoja e Bullgarisë.

Berisha shprehet se dje Rama shpërtheu në sharje për veton e Bullgarisë ndaj Maqedonisë së Veriut duke e cilësuar këtë një nxitje nga ana e presidentit serb Aleksandër Vuçiç.

“Vuçiç ndërseu Ramën si sharës për t’u hakmarrë ndaj Bullgarisë për dështimin e vizitës së Lavrovit në Beograd.

Miq, dje Edi Rama, vasali Serbomadhit Vuçiç, në një skandal të vërtetë diplomatik, shpërtheu në sharje prej ordineri ndaj Bullgarisë për veton e saj për Maqedonine e Veriut. Duket se përdorimi i gjuhës të padenjë ndaj një vendi mik, Ramës i’u diktua nga padroni i tij, Vuçiç. E tëra kjo si hakmarrje primitive të këtij të fundit ndaj Bullgarisë për shkak të bllokimit të hapesirës ajrore nga ky vend anëtar i NATO-s për avionin e ministrit të Jashtëm rus, Lavrov dhe për pasojë, dështimit të vizitës së tij në Beograd.

Dënoj me ashpërsinë më të madhe sjelljen e padenjë të Edi Ramës dhe keqpërdorimin e tij si sharës me porosi nga padroni i tij, Aleksandër Vuçiç”, shkruan Berisha.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat