Majko "befason" në mes të Kuvendit: Berisha ka pasur të drejtë shumë kohë më parë

Shqipëria

Majko "befason" në mes të Kuvendit: Berisha ka pasur të drejtë shumë kohë më parë

Më: 6 tetor 2022 Në ora: 15:28
Pandeli Majko

Deputeti Pandeli Majko  gjatë replikave me kreun e PD-së në Kuvend ka thënë se Berisha ka pasur të drejtë kur i kërkonte qeverisë shqiptare të shkëpuste marrëdhëniet diplomatike me Iranin.

Këtë deklaratë e ai e bëri teksa po i kundërpërgjigjej, Berishës në lidhje me patronazhistët.

“A e aktivizon Shqipëria nenin 4 apo jo, është diskutim i hapur.

Besoj se edhe Berisha ndan të njëjtin opinion që akti i Iranit është një akt terrorist. Berisha ka pasur të drejtë kur shumë kohë më parë i kërkonte qeverisë shqiptare të shkëpuste marrëdhëniet diplomatike me Iranin.

Sot nuk ka pse kërkon që qeveria të ketë një sjellje ndryshe. Në Shqipëri sot opozita po ripërsërit çështjen e patronazhistëve të PS-së.

Unë jam dakord që opozita të ketë reflektime të natyrave të ndryshme lidhur me patronazhistët e PS. Para se të merreni me patronazhistët e PS është mirë të merreni me patronazhistët e San Peterburgut.

Kjo është një çështje që ka prekur thellësisht disa parti në vende të BE-së dhe anëtare të NATO-s.

E mirëkuptoj faktin që drejtuesit e PD që janë në godinë aktualisht po e auditojnë, por kjo më duket ende histori e debatit të brendshëm në PD. Ajo që duhet të trajtohet shumë seriozisht është fakti se Shqipërisë nëpërmjet një partie i është prekur siguria kombëtare”, tha Majko.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat