Drejtori i ri i ALUIZNI-t ka firmosur urdhrin për pezullimin nga detyra të Drejtorit të Drejtorisë së ALUIZNI-t Shkodër, Tonin Marku.
Ai akuzohet se ka marrë pjesë në fushatë zgjedhore gjatë orarit të punës. Pezullimi i përkohshëm është firmosur nga drejtori i ri i ALUIZNI-t Ibrahim Morina.
“Zoti Tonin Marku me detyrë drejtor i Drejtorisë së ALUIZNI-t Shkodër, pezullohet pas informacionit të ardhur pranë titullarit të institucionit për pjesëmarrjen në fushatë zgjedhore gjatë orarit zyrtar” thuhet në urdhrin e pezullimit.
Marku është përfaqësuesi i Partisë Socialiste.
