Krahas dëshmive dhe pamjeve të siguruara nga kamerat, policia duket se ka në dorë edhe një provë tjetër që gozhdon ish-oficerin e Forcave Speciale greke Efthymoios Efthymiou në lidhje me vrasjen e Devi Kasmit.
Mësohet se atij i është gjetur edhe celulari me të cilin komunikonte, ku pritet që nga aty të dalin lidhjet e tij me shqiptarët porositës të vrasjes.
Gjithashtu atentatorit grek Efthymoios Efthymiou, i janë sekuestruar nga Prokuroria pranë Gjykatës së Shkallës së Parë Tiranë, një mori dokumentesh, parash dhe sendesh të tjera, pasi ekziston dyshimi se janë prova që mund të humbasin.