Mbi 90 persona humbën jetën nga zjarret masive që prekën periferitë e Athinës në muajin Korrik.
Por mes shumë historive të tmerrit kishte edhe nga ato raste impresionuese kur persona të ndryshëm bënë heroin duke shpëtuar jetë njerëzish.
E tillë është historia e një shqiptari nga Levani i Fierit.
Agim Cufe, ka shpëtuar dhjetëra persona në fshatin e Matit duke i larguar përmes një skafi nga zonat zjarreve. Ai u nderua nga kryeministri grek Aleksis Cipras që ishte në zonën e tragjedisë.
Po ashtu, kryeministri grek nderoi edhe dy shtetas egjiptianë që shpëtuan disa persona. Për shqiptarin dhe egjiptianët, qeveria ka kërkuar dhënien e nënshtetësisë greke. Pritet që së shpejti presidenti i Greqisë të firmosë dekretin.
