Nën organizimin e trajnerit Butrint Ejupi, presidenti i MMA i Austrisë, Dr. Fritz Treiber së bashku me sportistin Besart Berisha, do të vizitojnë Kosovën ku do të mbajnë edhe stërvitje e cila do të mbahet me dyer të hapura.
Besart Berisha është nënkampion i Austrisë në MMA, ka zënë vendin e tretë në Evropë dhe vendin e gjashtë në turnirin botërorë, ku kanë marrë pjesë mbi 260 atletë. Ai ka përvojë mix në arte marciale, kickboks dhe boks.
Stërvitja në Kosovë do të mbahet me qëllim që të përzgjidhen talentë nga Kosova, ku të përzgjedhurit do të ftohen për gara në kampionatin Evropian në Itali.
Besart Berisha deri më tani ka përfaqësuar Austrinë, mirëpo në këtë kampionat do ta vesh fanellën e Kosovës.
Gjithashtu, në stërvitje do të jetë prezentë edhe trajneri i ushtrisë luftarake të Shqipërisë.