Babai i futbollistit turk, Hakan Shukur, Selmet Shukur është arrestuar nga autoritetet turke. Agjencia e lajmeve DHA shkruan se pas lëshimit të urdhër arrestit për Hakan Shukur, policia arrestoi babanë e tij dhe i ka sekuestruar edhe pasurinë.
Kjo agjenci lajmesh ka publikuar edhe një foto të babait të futbollistit, në momentet e arrestimit. Selmet Shukur shihet me pranga në duar dhe me lot në sy. DHA raporton se pasuria e futbollistit Shukur arrin 50 milionë euro, transmeton BBC News.
Hakan Shukur është zgjedhur deputet në vitin 2011 me ish-partinë e Erdoganit. Ai e ka kritikuar ashpër grushtin e shtetit të tentuar më 15 korrik. Megjithatë, sërish autoritetet turke dyshojnë se ai ka lidhje me Gylenin. Ky dyshim vjen prej faktit se Hakan jeton në SHBA.
