Nuk do të ketë më ekrane telefoni të plasaritur? Shkencëtarët kinezë pretendojnë se kanë krijuar një xham të ri ultra të fortë

Teknologji

Nuk do të ketë më ekrane telefoni të plasaritur? Shkencëtarët kinezë pretendojnë se kanë krijuar një xham të ri ultra të fortë

Më: 29 nëntor 2021 Në ora: 10:01
Foto ilustrim

Ekspertët kinezë kanë zhvilluar një lloj të ri xhami ultra të fortë, i cili e përcjell nxehtësinë shumë më mirë se çdo i njohur deri më tani, i cili sipas tyre është më i fortë edhe se diamanti natyral.

Madje, ky lloj xhami është aq i fortë sa pothuajse asgjë nuk mund ta thyejë atë, theksojnë shkencëtarët nga Universiteti Jilin, nga qyteti kinez Changchun.

Ata dolën me një lloj të ri xhami në një proces gjatë të cilit ekspozuan një lloj të veçantë karboni ndaj temperaturave dhe presioneve ekstreme.

Kjo u dha atyre një forcë xhami prej 102 GPa.

Për krahasim, substanca më e fortë në botë është karboni AM-III i sintetizuar së fundmi, forca e të cilit është 113 GPa.

Udhëheqësi i këtij hulumtimi, gjeokimisti Jingwei Fei nga Instituti Carnegie i Shkencës në Uashington, thekson se krijimi i xhamit me fortësi kaq të lartë dhe karakteristika superiore hap mundësinë e një mënyre shumë të gjerë aplikimi. /

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat