Snapchat po punon në një abonim me pagesë – flitet se në të mund ta shihni se kush i ka shikuar ‘storjet’ e tua më shumë se një herë

Teknologji

Snapchat po punon në një abonim me pagesë – flitet se në të mund ta shihni se kush i ka shikuar ‘storjet’ e tua më shumë se një herë

Më: 18 qershor 2022 Në ora: 07:03
Foto ilustrim

Snapchat po bën teste të brendshme të një abonimi me pagesë të quajtur Snapchat Plus, i cili me sa duket do t’ju japë përdoruesve akses të hershëm në veçori, si dhe aftësi të tjera. Në një deklaratë për The Verge, zëdhënësja e Snap, Liz Markman tha:

“Ne po bëjmë testimin e brendshëm të hershëm të Snapchat Plus, një shërbim i ri abonimi për përdoruesit. Jemi të ngazëllyer për potencialin për të ndarë me abonentët tanë veçori ekskluzive, eksperimentale dhe para-publike dhe për të mësuar më shumë se si mund t’i shërbejmë më së miri komunitetit tonë”.

Sipas imazheve dhe informacionit të postuar në Twitter nga studiuesi i aplikacioneve, Alessandro Paluzzi, Snap po teston gjithashtu veçori të tjera për Snapchat Plus, duke përfshirë funksionin për të fokusuar një nga miqtë tuaj si “#1 BFF”, të ndryshojë ikonën e Snapchat dhe kush ka rishikuar storjet tuaja.

Paluzzi gjithashtu tregoi se çmimi për Snapchat Plus aktualisht renditet për 4.59 euro në muaj dhe 45.99 euro në vit. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat