SHBA-ja mposhti Rusinë në një betejë për kontrollin e internetit global

Teknologji

SHBA-ja mposhti Rusinë në një betejë për kontrollin e internetit global

Më: 1 tetor 2022 Në ora: 07:00
Doreen Bogdan-Martin

Shtetet e Bashkuara të Amerikës kanë mposhtur Rusinë në garën për kontrollin e trupit përgjegjës të Kombeve të Bashkuara për formësimin e zhvillimit të internetit global, një garë kjo e parë si simbolik gjeopolitike mes tensioneve të gjera në mes të SHBA-ve dhe Rusisë dhe si një përgjigje ndaj frikës së rritjes të censurës së internetit nga regjime autoritare.

Gjatë së enjtes, anëtarët e Unionit Ndërkombëtar të Telekomunikimit votuan për të emëruar Doreen Bogdan-Martin, kandidate e mbështetur nga SHBA-ja, si sekretare e përgjithshme e grupit.

CNN raporton se Bogdan-Martin, një veterane e UNT prej afro 30 vitesh, e lindur në New Jersey, e mposhti rivalin kryesor, Rashid Ismailov, duke marrë 139 vota nga 172 të mundshme. Ismailov fitoi vetëm 25 vota. Bogdan-Martin do të jetë gruaja e parë që udhëheq me UNT.

“Ndihem e përulur dhe e nderuar për zgjedhjen si Sekretare e Përgjithshme e UNT, dhe jam e lumtur për besimin që vendet anëtare ma dhanë mua”, shkroi Bogdan-Martin në Twitter ditën e djeshme.

“Jam e gatshme që të udhëheq një UNT e cila do të inspirojë, përfshijë dhe do të përtërijë, në mënyrë që të gjithë, kudo që të mund të shfrytëzojnë fuqinë digjitale për transformimin e jetëve të tyre”, shtoi tutje ajo.

Zyrtarët amerikanë kanë bërë fushatë të madhe për votimin e Bogdan-Martin, në disa raste duke e përshkruar atë si një pikë kthese për internetin e lirë dhe të hapur – parime që po sfidohen gjithnjë e më shumë nga Rusia dhe Kina teksa ato vende i kufizojnë liritë digjitale të popujve të tyre.

Javën e kaluar, presidenti Joe Biden nxiti vendet anëtare që ta mbështesin Bogdan-Martin, duke argumentuar se udhëheqësia e saj në UNT do të ndihmonte që interneti të bëhej “përfshirës dhe i qasshëm për të gjithë, sidomos për botën në zhvillim”.

Zgjedhjet reflektuan mbi ndasitë e gjera të ideologjisë mbi të ardhmen e internetit, me SHBA-të dhe aleatët e saj që favorizojnë një sistem shumë të ndërlidhur i udhëhequr në mënyrë të barabartë në nivel ndërkombëtar nga vendet anëtare të OKB-së, bizneset, grupet shoqërore civile dhe ekspertët teknik. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat