Kina njoftoi sot rregulloren e parë kombëtare të vendit për teknologjinë “blockchain”.
Media shtetërore CGTN raporton se Ministria e Industrisë dhe Teknologjisë së Informacionit të Kinës ka njoftuar se rregullorja e re ka përshpejtuar procesin e standardizimit të sektorit të “blockchain” të Kinës, duke hedhur themelet për zhvillimin me cilësi të lartë të industrisë.
Teknologjia “Blockchain”, e cila mbështet transaksionet në kohë reale të aseteve dixhitale, përdoret për kriptovalutat. Teknologjia mundëson regjistrimin efikas dhe të verifikueshëm dhe monitorimin e përhershëm të transaksioneve ndërmjet dy palëve.
Rregullorja e re e Kinës ofron “kornizë universale të zbatueshme për të udhëhequr zbatimin e teknologjisë ‘blockchain’ dhe zhvillimin e saj industrial”, tha ministria. Ministria është e angazhuar për intensifikimin e përpjekjeve në zhvillimin e standardeve kombëtare në këtë fushë.
