BE-ja ka paralajmëruar Mark Zuckerbergun për përhapjen e “dezinformatave” në platformat e mediave sociale të Meta-s pas sulmit të Hamasit ndaj Izraelit.
Ajo i tha Meta-s, e cila zotëron Facebook dhe Instagram, se “ka 24 orë” për të ndërmarrë veprime dhe për të respektuar ligjin evropian, shkruajnë mediat e huaja.
Firmat e mediave sociale kanë parë një rritje të dezinformatave rreth konfliktit, duke përfshirë imazhe të modifikuara dhe video të etiketuara gabimisht.
Të martën, BE-ja paralajmëroi X, i njohur më parë si Twitter, për një përmbajtje të tillë.
Komisioni Evropian ndërkohë u kujtoi të gjitha kompanive të mediave sociale se atyre u kërkohet ligjërisht të parandalojnë përhapjen e përmbajtjes së dëmshme në lidhje me grupin militant palestinez Hamas.
“Përmbajtja që qarkullon në internet që mund të lidhet me Hamasin kualifikohet si përmbajtje terroriste, është e paligjshme dhe duhet të hiqet…”, tha një zëdhënës i Komisionit.
