Kasami: Faleminderit Tetovë që morët guximin të ndryshoni pushtetin!

Tetova

Kasami: Faleminderit Tetovë që morët guximin të ndryshoni pushtetin!

Më: 2 nëntor 2021 Në ora: 23:08
Bilall Kasami

Kryetari i Lëvizjes Besa dhe njëherit kryetar i sapo zgjedhur i Tetovës, Bilall Kasami ka falënderuar votuesit tetovarë të cilët ia besuan drejtimin e Komunës së Tetovës.

Kasami falenderoi edhe siç tha ai, makinerinë e “luftës”, aktivistët e Lëvizjes Besa si dhe aktivistët e ASH-së të cilët ishin pjesë e kampanjës në raundin e dytë.

“Më lejoni që të falemenderoj sinqerisht të gjithë tetovarët për vendimin e guximshëm që e morën, që të ndërrojnë pushtetin në Tetovë, një pushtet nga unë dhe nga shumë të tjerë, i vlerësuar si pushtet i dështuar dhe njëherësh të falemenderoj çdo aktivist të Lëvizjes Besa të cilët kanë qenë ajo makineria të them e “luftës” kushtimisht, e cila e bëri diferencën dhe e bëri të mundur fitoren.

Në raundin e dytë një falemenderim i veçantë edhe aktivistëve të Aleancës (ASH) të cilët ishin pjesë e kampanjës dhe të cilët gjithashtu kontribuan fuqishëm në fitore”, tha Kasami.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat