Në Covid qendrën në Dibër është hospitalizuar pacient pas gati dy muajve

Tetova

Në Covid qendrën në Dibër është hospitalizuar pacient pas gati dy muajve

Më: 28 nëntor 2021 Në ora: 16:26
Foto ilustrim

Në kovid qendrën pranë Spitalit të përgjithshëm me veprimtari të zgjeruar në Dibër, pas saktë 50 ditëve, është hospitalizuar një pacient i infektuar me Kovid-19, konfirmoi Baki Alili, drejtor i spitalit.

“Bëhet fjalë për rastin e vetëm aktiv në zonën tonë. Pacienti është nga Dibra dhe është me formë më të lehtë të sëmundjes. Pacientin e fundit me kovid e regjistruam me datën 8 të muajit të kaluar. Këtë muaj kemi vetëm dy raste të reja, njëri prej të cilëve tashmë është në listën e të shëruarve”, tha Alili.

Në qendër, sipas tij, vazhdon prania 24 orëshe e mjekëve dhe dy infermiereve, e cila nuk është ndërprerë edhe në periudhën kur nuk kishte të hospitalizuar.

“Në ndërkohë, në pikën e vaksinimit, e cila funksionon në spitalin modular, në rrethin e spitalit tonë, imunizimi kundër Kovid-19 po shkon pa probleme. Ka një interesim të shtuar për dozën e tretë, të cilën deri më tani e kanë marrë rreth 300 persona nga komuna e Dibrës dhe Qendër Zhupë, të cilët janë të mbuluar me kujdes shëndetësor nga spitali ynë”, thekson ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat