SPB Tetovë me aksion kundër shoferëve që vozisin nën ndikimin e alkoolit, dënohen 36 prej tyre

Tetova

SPB Tetovë me aksion kundër shoferëve që vozisin nën ndikimin e alkoolit, dënohen 36 prej tyre

Më: 25 shtator 2022 Në ora: 12:01
Foto ilustrim

SPB Tetovë informon se mbrëmë (24/25 shtator) nga ora 22:00 deri në ora 04:00, zyrtarët policorë kanë kryer aksion kontrolli ndaj drejtuesve të mjeteve në rajonin e gjerë të Pollogut – nëse dhe sa prej tyre drejtojnë automjete nën ndikimin e alkoolit.

Gjatë kontrollit janë zbuluar dhe sanksionuar 36 drejtues automjetesh (TE-24 dhe GV-12) të cilët drejtonin mjetin nën efektin e alkoolit, nga të cilët 1(TE) kishte nivel të alkoolit në gjak 2.89.

“Të gjithë drejtuesit e mjeteve kundërvajtëse janë përjashtuar menjëherë nga trafiku dhe janë konfiskuar patent shoferi përkohësisht dhe janë përgatitur parashtresat përkatëse. ]Në këtë kontroll aksion janë sanksionuar në mënyrë adekuate edhe 18 lloje të tjera të kundërvajtjeve në komunikacion (TE-13 dhe GV-5)”.

“SPB Tetovë apelon sërish, sidomos të rinjtë dhe mbi të gjitha në fundjavë, që të mos hipin në timon nëse kanë konsumuar më parë alkool dhe të mos rrezikojnë sigurinë e tyre dhe të përdoruesve të tjerë të rrugës, por edhe të mos ngasin makinën me shpejtësi më të madhe dhe të mos parakalojnë në vende dhe mënyrë të palejuara. Duke vepruar kështu, ata do të kontribuojnë në përmirësimin e sigurisë së përgjithshme të trafikut në rajon dhe më gjerë”, thonë nga SPB Tetovë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat