Artistë nga e gjithë bota ekspozojnë për herë të parë veprat e tyre origjinale në Tiranë, Rama: Moment i rëndësishëm

Tirana

Artistë nga e gjithë bota ekspozojnë për herë të parë veprat e tyre origjinale në Tiranë, Rama: Moment i rëndësishëm

Më: 12 nëntor 2021 Në ora: 19:55
Edi Rama

Këtë të premte 3200 artistë nga e gjithë bota kanë ekspozuar për herë të parë veprat e tyre origjinale në Tiranë si pjesë e koleksionit “Imagi Maundi”.

Ceremonia “Parallel 42 – A Circle of Humanity” në COD, u zhvillua në Kryeministri .

I pranishëm ishte edhe kryeministri Edi Rama, i cili falënderoi artistët për pjesëmarrjen, ndërsa u shpreh se si çdo hapësirë tjetër pandemia ishte sfiduese edhe për artin duke shtuar se tashmë është koha që të rimarrë vëmendjen që i takon.

“Nuk dua të marr shumë kohë por thjesht dua të falënderoj ata që e bënë të mundur këtë ekspozitë. Të gjitha këto vepra vijnë nga të gjithë cepat e botës dhe është dashur një këmbëngulje e madhe për ti sjellë të gjithë bashkë në këtë rreth. Kjo ekspozitë duhet të marrë jetë si një varg pëshpërimash.

I ftoj edhe të tjerë që ta vizitojnë këtë ekspozitë. Si për shumë hapësira  të tjera pandemia ka qenë shumë sfiduese dhe ky është një moment i rëndësishëm edhe për COD i cili tani sëfundmi ka filluar të marrë frymë lirisht.”, tha Rama.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat