I vrari në Tiranë ishte intervistuar për vrasjen që lidhej me emrin e Elvana Gjatës

Tirana

I vrari në Tiranë ishte intervistuar për vrasjen që lidhej me emrin e Elvana Gjatës

Më: 15 nëntor 2021 Në ora: 16:40
Erigers Mihasi

Dy ditë më parë (13 nëntor), Tirana u trondit nga një ngjarje e rëndë, ku pas një atentati që ndodhi rreth orës 19 e 30 në zonën e Astirit, mbetën të vrarë dy persona, Erigers Mihasi 32 vjeç dhe Armand Dumani 26 vjeç.

Dy të rinjtë vdiqën në vend, në makinën e tipit “Audi A8”, pasi mbi trupat e tyre u qëllua disa herë me breshëri plumbash.

Por, kush është Erigers Mihasi, 32-vjeçari që mbeti i vdekur nga ky atentat?

Në vitin 2018, Mihasi ishte përfshirë në incidentin në ish-bllok, ku mbeti i vrarë Fabian Gaxha dhe u plagosën Ervis Martinaj e Elio Hato nga truproja i Ervin Matës, të fejuarit të këngëtares Elvana Gjata.

Policia atë kohë mori në pyetje disa persona, e në mesin e tyre edhe Erigers Mihasin, 32-vjeçarin që e vranë dy ditë më parë, pasi ky i fundit kishte lidhje shoqërore me Ervis Martinajn.

Erigers Mihasit, atë kohë policia shqiptare mori deklaratën e tij, si dhe shenjat e gishtërinjve me qëllim krahasimin e tyre me gjurmët e gishtave që kishin fiksuar ekspertët brenda lokalit “Monopol”.

Mirëpo, nga këto gjurmë nuk doli që të kishte ngjashmëri me gjurmët krahasuese që i ishin marë Mihasit në Polici, duke përjashtuar Mihasin si të përfshirë në këtë ngjarje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat