Tirana bëri bashkë liderët evropianë për samitin e Komunitetit Politik Evropian

Gjatë konferencës së përbashkët për shtyp me kryeministrin Edi Rama, në përfundim të Samitit të Komunitetit Politik Europian në Tiranë, kryeministrja e Danimarkës, Mette Frederiksen, dha një mesazh të qartë për nevojën e forcimit të mbrojtjes së Europës përballë pasigurive globale dhe lëkundjeve në aleancën transatlantike.

Frederiksen theksoi rëndësinë e angazhimit të shtuar në kuadër të NATO-s dhe nevojën që Europa të marrë më shumë përgjegjësi për sigurinë e vet.

“Jemi të dy anëtarë të NATO-s dhe do të marrim pjesë në Samitin e Hagës. Ne do të angazhohemi më shumë në NATO për të armatosur të gjithë aleancën në një afat të shkurtër kohe,” deklaroi ajo.

Kryeministrja daneze theksoi se është një mbështetëse e madhe e lidhjes transatlantike, por shprehu shqetësimin për pasiguritë që po sjellin zhvillimet politike në SHBA, sidomos në prag të zgjedhjeve atje.

“Jam shumë transatlantike, por me pasigurinë që po sjell SHBA-ja në tryezë, duhet që Europa të kujdeset për Europën,” shtoi Frederiksen.

Ajo e mbylli deklaratën e saj me një thirrje të drejtpërdrejtë për rritjen e kapaciteteve ushtarake të kontinentit: “Nuk mund të fitosh një luftë pa armë. Armatimi i Europës është një detyrë shumë e rëndësishme. Ky do të jetë përfundimi i Samitit të Hagës pas një muaji.”

Deklarata e saj vjen në një kohë kur diskutimet për mbrojtjen dhe sigurinë në Europë janë në qendër të vëmendjes, mes një konteksti të tensionuar ndërkombëtar dhe sfidave që lidhen me marrëdhëniet.

Kryeministri Edi Rama ka vlerësuar lart rëndësinë e Samitit të Komunitetit Politik Europian, që u zhvillua për herë të parë në Tiranë, duke e cilësuar atë si një shenjë të qartë për përkushtimin e Shqipërisë dhe rajonit ndaj kontinentit europian dhe vlerave të tij themelore.

Në një deklaratë për mediat, Rama tha se samiti tregoi vullnetin për të mbajtur të bashkuar vlerat dhe parimet që udhëheqin shoqëritë europiane.

“Kam vërtet kënaqësi që të them se sot në Tiranë kemi një përkushtim të ripërtërirë ndaj kontinentit tonë dhe qytetarëve tanë, për t’i mbajtur fort bashkë vlerat dhe parimet që udhëheqin shoqëritë tona, për të bërë gjithçka kemi, për të bërë të mundur të ruajmë vlerat dhe parimet tona. Duke mbrojtur qytetarët tanë dhe të ardhmen e Europës.

Diskutuam dhe si do të ecim më tej, për investimet më shumë në inovacion, për të investuar më shumë në ato fusha të Europës që i përkasin atij komuniteti politik dhe për ato vende që nuk i përkasin ende BE-së. Dita ka qenë e frytshme. Kishim shumë diskutime. Në fund pati shumë diskutime interesante dhe vendosëm që do të kemi një skuadër bashkërenduese të KPE-së në zyrën e Presidentit të Këshillit Europian”, tha Rama.

Kryeministri i Shqipërisë, Edi Rama, ka cituar Kanunin para liderëve të Evropës.

“Në Kanunin tonë që është shkruar kohë më parë, ka një kapitull që ka të bëjë me mikpritjen. Ai fillon me një citim që thotë që “shtëpia e shqiptarit i përket Zotit dhe mikut”. Kjo thënie është vërtet shumë e thellë dhe është origjinë e faktit që ne mbaruam, arritëm në fund të Luftës së Dytë Botërore si vendi që më shumë kishte hebrenj se që kishte pasë në fillim të tij sepse ata erdhën si miq, të cilët shqiptarët i mbrojtën me jetën e tyre”, tha ai.

Ai ironizoi duke thënë se “drekën e kanë falas”.

“Ndër të gjitha këto gjëra që ne bëjmë për miq, të rëndësishme e kemi t’i ushqejmë mirë mysafirët dhe pavarësisht që thuhet se dreka asnjëherë s’është falas, sot do ta shikoni që është e kundërta sepse sa herë të vini në Shqipëri në çfarëdo cilësie do të jeni gjithmonë të mirëpritur dhe pas një ore do të rikthehemi që Europa do të vazhdojë punën e saj”, tha Rama.

Në nisje të Samitit të Komunitetit Politik Evropian në Tiranë, presidenti i Këshillit Evropian, Antonio Costa bëri thirrje për unitet, në mënyrë që të arrihet një paqe e qëndrueshme për Ukrainën dhe Lindjen e Mesme.

Costa para liderëve të shteteve evropiane tha se nëse nuk arrihet paqja e qëndrueshme, atëherë do të minohet jo vetëm siguria evropiane, por edhe autoriteti i saj.

Costa: Ne duhet të jemi të bashkuar për të sjellë paqe të drejtë

“Rendi shumëpalësh vazhdon të sulmohet nga hera e në mënyrë të vazhdueshme dhe Evropa ka detyrë të punoj për këtë çështje, ne duhet të jemi të bashkuar dhe Evropa duhet t’ia dal mbarë për të sjell një paqe të drejtë dhe kohë gjatë për Ukrainën dhe ne e dimë i dashur (presidenti i Ukrainës) Volodomyr (Zelensky) që siguria juaj është edhe siguria jonë. Evropa gjithashtu duhet të investojë më shumë te mbrojtja e saj, sepse ne kemi mësuar se paqja pa mbrojtje është iluzion, Evropa duhet t’ia dalë mbanë për të krijuar kushtet e duhura, për të pasur zgjidhjen e duhur për paqe në Lindjen e Mesme, sepse nëse rast se nuk e bëjmë këtë do të minohet jo vetëm siguria e gjithë Evropës dhe vendeve të tjera fqinje, por edhe autoriteti i saj. Evropa duhet t’ia dalë mbarë për të thelluar dhe zgjeruar rrjetat e saj në tregtisë botërore dhe begatisë”, tha Costa.

Presidenti i Këshillit Evropian shprehu gatishmërinë e Bashkimit Evropian për të punuar afër me të gjithë partnerët e saj për të ardhmen.

Costa: BE është i gatshëm të luajë rolin e plotë në Evropën e re

“Bashkimi Evropian është i gatshëm të luajë këtë rol të plotë në këtë Evropë të re, në këtë botë të re duke punuar nga afër me të gjithë partnerët tanë evropianë. BE e re do të jetë një partner i besueshëm për integrimin evropian, por edhe për bashkëpunimin për energjinë, sigurinë, mbrojtjen, për të mbrojtur klimën. Pra, duhet përdorur kjo energji, ky motivim për të ardhmen e fëmijëve dhe energjinë e mikut tonë Edi Rama që të punojmë së bashku si evropian”, tha ai.

Tirana sot është nikoqire e Samitit të gjashtë të Komunitetit Politik Evropian, duke shënuar takimin e tij për herë të parë në Ballkanin Perëndimor me pjesëmarrjen e liderëve, kryetarë shtetesh dhe qeverish nga 47 vende evropiane, së bashku me drejtuesit e institucioneve kryesore evropiane dhe ndërkombëtare.

Kancelari gjerman Friedrich Merz gjatë fjalimit të tij në Samitin e Komunitetit Politik Evropian tha se duhet të vazhdohet mbështetje e fortë politike, ekonomike, financiare e ushtarake për Ukrainën.

Merz në këtë Samit i cili po mbahet në Tiranë dhe po marrin pjesë mbi 40 përfaqësues evropian tha se duhet bërë përpjekje që amerikanët të jenë në anën e Evropës.

Merz: Jemi tërësisht të angazhuar dhe të gatshëm për ta mbështetur Ukrainën

“Në kontinentin tonë kemi një sfidë që nuk e kemi parë për disa 10 vjeçar që është kjo luftë e vështirë dhe e fortë në Ukrainë. Kjo nuk është thjesht një luftë kundër këtij vendi, sepse po të ishte vetëm kaq sigurt se do të ishte mjaftueshmërisht kritike dhe e tmerrshme. Por, kjo është një gjë e cila është e drejtuar nga të gjithë rendin dhe gjithë Evropën...Ne jemi të vendosur të katërt dhe të gjithë ju të vazhdojmë t’i japim mbështetje të fortë në aspektin politik, ekonomik, financiar, ushtarak Ukrainës. Këtij vendi që e kërcënon që gjendet në këtë vështirësi të tmerrshme dhe përpjekjet tona kanë treguar një sukses shumë të vogël diplomatik.. Duhet të jemi shumë të qartë për mbështetjen tonë ushtarake për Ukrainën, nuk duhet të ketë pikë dyshimi që ne jemi tërësisht të angazhuar dhe të gatshëm të japim mbështetjen tonë të plot... Ne duhet të bëjmë çdo përpjekje të mundshme që amerikanët t’i kemi në anën tonë, nuk mund t’i zëvendësojmë kurrsesi amerikanë dhe atë që ata bëjnë për ne në Evropë, në kontinentin tonë për paqen tonë, lirin tonë“, tha Merz.

Ndryshe, presidenti i Ukrainës, Volodymyr Zelensky, ka akuzuar homologun e tij rus, Vladimir Putin, për mungesë vullneti dhe guximi për të dialoguar për paqen dhe ndalimin e luftës në Ukrainë.

Gjatë fjalës së tij në Samitin e Komunitetit Politik Evropian që po mbahet në Tiranë, Zelensky tha se Putini kishte frikë të shkonte në Turqi për të arritur një marrëveshje paqeje.

Kryeministrja italiane Giorgia Meloni, në Samitin e Komunitetit Politik Evropian në Tiranë, deklaroi se nuk mund të ketë një Evropë të re pa Ballkanin Perëndimor.

Ajo tha se nevojitet një qasje më e qartë ndaj integrimit të rajonit në familjen e madhe evropiane.

Meloni: Shqipëria është Evropë

“Identiteti evropian i Shqipërisë është histori, edhe përpara gjeografisë. Shqipëria është Evropë, pavarësisht nëse je pjesë e një organizate të caktuar apo jo... E megjithatë, BE është sot ajo që unë do të doja ta quaja dëshira e ribashkimit të familjes së bashkuar evropiane, ku të gjithë janë pjesë e një të vetme, popuj që kanë luftuar njëri-tjetrin në shekuj, sot janë një popull i vetëm. Ne po ndërmarrim një hap përpara ribashkimit. Nëse duam të rindërtojmë një Evropë të re në një botë të re, nuk mund ta bëjmë atë pa Ballkanin Perëndimorë...Italia është e angazhuar në Bruksel për qasjen strategjike të Brukselit në Ballkanin Perëndimor. Këto vende duhet të kenë një perspektivë të qartë për anëtarësimin në BE”, u shpreh ajo.

Sa i përket luftës në Ukrainë, kryeministrja Meloni ka thënë se do të vazhdojnë të qëndrojnë përkrah Kievit.

Meloni: Do të vazhdojmë të qëndrojmë përkrah Ukrainës

“Ne do të vazhdojmë të qëndrojmë krah Ukrainës dhe do të bëjmë të pamundurën që kjo luftë të merr fund menjëherë...Qëndresa ukrainase na kujton se çfarë është themeli i identitetit tonë të përbashkët, ne duam lirinë. Dje pamë që ju ishit të gatshëm të uleshit në tryezën e negociatave dhe ai nuk ishte. Kjo tregon se kush bën propagandë për paqe dhe kush e do vërtetë....Të ndërtosh një Evropë të re në një botë të re, duhet të mendojmë dhe njëherë se cilat janë themelet tona”, tha Meloni.

Kujtojmë, sot në Stamboll mbahen negociatat e para të drejtpërdrejta midis Rusisë dhe Ukrainës në më shumë se tre vjet, pa praninë e liderëve të dyja vendeve.

Presidentja e Komisionit Evropian (KE), Ursula von der Leyen, ka deklaruar se në Samitin e Tiranës janë mbledhur për të ndërtuar të ardhmen e përbashkët të Evropës.

Ajo në Samitin e Komunitetit Politik Evropian që po mbahet në Tiranë, tha se BE-ja po përgatit pakon tjetër të sanksioneve ndaj Rusisë.

Von der Leyen: Jemi mbledhur në Tiranë për të ndërtuar të ardhmen tonë të përbashkët

“Sot Evropa është zgjuar, i ka sytë hapur. Ne e dimë se duhet të ecim përpara dhe të mbyllim hendekun e inovacionit. Duhet të nxisim konkurruenshmërinë tonë dhe duhet të ndërtojmë qëndresën tonë. Duhet të zgjerojmë rrjetin e partneritetit në të gjithë botën. Kemi mësuar të gjithë se kur ka kriza të mëdha, Evropa i jem përgjigjet më të mëdha... Jemi mbledhur në Tiranë për të ndërtuar të ardhmen tonë të përbashkët, të ardhmen tonë të Evropës në një epokë begatie të përbashkët”, tha Von der Leyen.

Edhe kyediplomatja e Bashkimit Evropian, Kaja Kallas, ka dhënë një intervistë për mediat e huaja, teksa mbërriti në ambientet ku do të mbahet Samiti Politik Europian.

Ajo u ndal tek sanksionet që kanë në plan për t’i vendosur Rusisë, për shkak të luftës që në Ukrainë.

Presidenti i Turqisë, Reçep Tayipp Erdogan, në fjalën e tij nga Shtëpia e Europës në kryeqytet, u shpreh se mbrotja e kontinentit ka një rëndësi shumë të madhe.

Ai tha se është i nevojshëm bashkëpunimi i të gjitha shteteve, teksa theksoi se këtu duhet të marrin pjesë edhe ato shtetet të cilat nuk janë anëtare në Bashkimin Evropian, për të përmbushur kështu sa më mirë rolin që kanë ato në NATO.

“Tashmë më shumë se kurrë është e rëndësishme të veprojmë të bashkuar, mbi bazën e bashkëpunimit.

Ka një potencial për bashkëpunim në fusha si mbrojtja, energjia, transporti e të furnizimit, tregjet digjitale dhe lëndët minerale kritike. Janë shumë fusha ku ne mund të bahskëpunojmë. Në këto kohë kritike, kur diskutohet e ardhmja e sigurisë europiane, përpjekjet e BE për të zhvilluar industrinë e saj të mbrojtjes janë të dobishme. Besojmë se këto përpjkje duhett të përfshinë edhe aleatë që nuk janë anëtare të BE. Në mënyrë të tillë që të mos “fyejë” rolin e NATO-s”, tha Erdogan.

Për luftën Rusi Ukrainë, Erdogan e solli vëmendjen tek bisedimet që po kryhen në shtetin e këtij për këto dy vende luftuese. Ai përgëzoi Zelenskyn për pranimin e diskutimeve, teksa u shpreh se këto dialogje janë si një dritare e çelur për ndalimin e gjakderdhjes.

“Unë kam zhvilluar takime me vete me Presidentin Trump, President Putin, President Zelensky, President Macron, kryeministren Meloni. President Zelensky ishte dje në Ankara. Pas takimit me të, vendosi të nisë bisedimet teknike për herë të parë që prej Marsit 2022. Një dritare shumë e rëndësishme është çelur për të ndalur gjakderdhjen. Ne besojmë që kjo mundësi nuk duhet humbur. Rusia, Ukraina, Turqia tashmë po zhvillojnë bisedime në Stamboll, drejtuar nga ministri i Punëve të Jashtme të Turqisë. Në këtë fazë, ne mbështetemi tek të gjithë partnerët tanë për të mbajtur të hapura kanalet e dialogut”, tha ai.

Presidenti i Ukrainës Volodymyr Zelensky në fjalën e tij në Samitin e Komunitetit Politik Europian në Tirana u shpreh se Ukraina ka nevojë për një armëpushim të plotë dhe të pakushtëzuar.

Zelensky duke u ndalur tek takimi i Stambollit mes delegacioneve të Ukrainës dhe Rusisë e ka quajtur këtë të fundit një teatër, pasi delegacioni ishte i një niveli të ulët.

Presidenti ukrainas gjithashtu kërkoi lirimin e pengjeve të mbajtur nga Rusia, teksa në fund të fjalës së tij theksoi edhe rëndësinë e SHBA në vendosjen e paqes në Ukrainë.

“Faleminderit që na keni pritur në një vend që beson tek Europa dhe vazhdon të punojë për të ardhmen e vendit te vet në Europë. E vlerësoj faktin që e shikojmë njësoj situatën që kjo luftë duhet të përfundojë, që Ukraina ka nevojë për paqen dhe paqja në Europë varet nëse Ukraina do ta marrë atë. Ju e dini që në këtë javë patëm mundësinë që nëse do të ndërmernim hapa për të mbyllur luftën nëse Putini nuk do të kishte frikë të vinte në Turqi. Unë isha aty i gatshëm për një takim të drejtëpërdrejtë me Putin dhe jo thjesht për një takim, por për të zgjidhur të gjitha çështje e rëndësishme, por ai nuk ra dakord për asnjë gjë dhe delegacioni ishte i një niveli të ulët, dhe asnjë prej tyre nuk mund të merrnin vendime në Rusi. Unë dërgova një ekip në Stamboll që udhëhiqej nga ministri i Mbrojtjes së Ukrainës. Të paktën për të parë nëse Rusët do të arrinin për të vendosur ndonjë gjë.

Përparësia jonë numër një është për tu arritur një armëpushim të plotë dhe të pakushtëzuar dhe të drejtë sepse vrasjet duhet të marrin fund dhe nëse përfaqësuesit nuk do të bijne dakord atëherë është e qartë që Putini vazhdon të minojë demokracinë dhe duhet që ne të arrijmë një rezultat.

Siç e pame në dje Rusia ka dërguar të njëjtët njerëz si në 2022 dhe tregoi se asgjë nuk ka ndryshuar dhe po bëjnë gjithçka të mundur që takimin e Stambolit ta kthejnë në një proces bos dhe të inskenuar. Nuk jemi ne apo udhëheqësit e perëndimit që po i minojmë negociata, por janë ruëst që kanë dërguar kokëbosha në këto takime. Ajo që shikojmë në delegacionin rus është thjeshtë teatër dhe bota duhet të reagojë me sanksione kundër sektorit të energjisë dhe bankave të tyre. Ukraina është e gatshme për të marrë të gjithë hapat dhe duhet t’i japim fund vrasjeve.

Së dyti ne duhet të arrijmë një nivel minimal besimi në negociata, duke liruar të burgosurit e luftës dhe duke liruar Rusia të gjithë pengjet civil që ka.

Së treti ne duhet të përkufizojmë çështjet që duhet të zgjidhen në nivel udhëheqje dhe jo më poshtë.

Së katërti ne kemi filluar të ndërtojmë një arkitekturë të re sigurie për Ukrainën dhe të gjithë Europën dhe besoj se të gjithë ata që janë këtu e dinë që tashmë ka ardhur koha që të marrim disa hapa praktikë.

Së pesti SHBA, Presidenti Trump dëshiron t’i japë fund luftës dhe ne duhet të qëndrojmë me ta sepse mbështetja e SHBA është thelbësore dhe është e rëndësishme që të punojmë së bashku që kjo gjë të arrihet, thotë presidenti Zelensky.

Presidenti francez, Emmanuel Macron: Siguria ekonomike, përfaqësojmë mbi 700 milionë banorë, është një treg shumë i madh dhe më me ndikim se sa tregu kinez. Na duhet të rrisim bashkëpunimin duke hequr barrierat tregtare.

Duhet që Europa e madhe të jetë më e bashkuar nga pikëpamja tregtare. Duhet bërë më shumë edhe për integrimin rajonal dhe për zgjerimin.

Duhet të veprojmë ndaj konkurrencës së pandershme, do të jemi më të fortë po të rrimë së bashku, do të kemi kapacitete dhe do të mund të mbrojmë tregjet tona.

Pra, jemi në një pikë në kohë ku duhet t’i dalim për zot situatës. Nuk e di a ka dorë Zeusi, por rreziqet janë të pranishme. Është koha të ngrihet një sekretariat, ndoshta të përfshijë edhe praninë e KiE dhe kjo do të ishte e dobishme. Faleminderit që na pritët në Tiranë dhe që e doni kaq shumë Europën.