​Rreth 5 mijë udhëtarë gjatë fundjavës në portin e Vlorës

Turizëm

​Rreth 5 mijë udhëtarë gjatë fundjavës në portin e Vlorës

Më: 2 gusht 2022 Në ora: 09:05
Foto ilustrim

Në portin e Vlorës, i dyti më i madh në vend, fundjava shënoi një fluks të lartë udhëtarësh. Sipas statistikave të portit të Vlorës këtë fundjavë kanë mbërritur 4747 udhëtarë dhe 1049 automjete.

Sipas portit, një numër i konsiderueshëm i udhëtarëve janë emigrantë që kthehen për pushime në atdhe, por edhe turistë që vizitojnë Shqipërinë. Autoritetet portuale kanë punuar me intensitet të lartë për përpunimin e udhëtarëve dhe automjeteve, ndërsa kanë marrë të gjitha masat për t’i shërbyer sa më mirë udhëtarëve.

Bregdeti i bukur, infrastruktura e përmirësuar dukshëm dhe hapësira atraktive të tilla si Lungomare me lokalet e shumta, apo bulevardi Vlorë-Skelë, përbëjnë disa nga faktorët dhe pikat e forta për treguesit e lartë të turistëve të huaj nga vende të ndryshme të botës në qytetin e Vlorës.

Në portin e Vlorës gjatë muajve të verës operojnë edhe anije turistike, të cilat nisen çdo ditë drejt ishullit të Sazanit dhe gadishullit të Karaburunit.

comment Për komente lëvizni më poshtë
Më të lexuarat
Sot mund të lexoni Shfletoni kopertinat