Ekspertët pajtohen se zakoni i fillimit të ditës me një mëngjes të shëndetshëm mund t’ju ndihmojë të humbni peshë.
Mëngjesi konsiderohet vakti më i rëndësishëm i ditës, dhe kjo është veçanërisht e vërtetë nëse i kushtoni vëmendje çdo kalori që merrni. Por jo çdo mëngjes është njësoj ushqyes. Nëse rregullisht kërkoni ushqime të pashëndetshme, mund të harroni të humbni peshë ose të mbani një peshë të shëndetshm.
Gjithashtu, hulumtimi thotë se një burim i proteinave mund të jetë një mëngjes ideal për humbjen e peshës dhe bëhet fjalë për vezët.
Sipas një studimi amerikan, njerëzit që hanë vezë në mëngjes arrijnë deri në 65 për qind më shumë humbje peshe në tetë javë krahasuar me njerëzit që nuk i kushtonin vëmendje marrjes së kalorive.
Gjithashtu, një studim i botuar në Nutrition Research sugjeron që vezët mund të stabilizojnë nivelet e sheqerit në gjak dhe të largojnë urinë.
Nutricionistja Alice Pike sugjeron që nëse njerëzit duan një mëngjes ushqyes, ata duhet të përqendrohen në ushqime me shumë proteina dhe fibra sepse ato mund t’ju ndihmojnë të ndiheni të ngopur për më gjatë.
Kjo është arsyeja pse vezët janë një zgjedhje ideale.
Dy vezë kanë rreth 180 kalori dhe 14 gram proteina. Ato gjithashtu përmbajnë vitamina të tilla si B12, riboflavin, selen dhe vitaminë A, thotë Pike. Përveç kësaj, ato janë të lira dhe të lehta për t’u përgatitur.
