Ushqimet që ndihmojnë në ndryshimin e humorit tuaj

Ushqime

Ushqimet që ndihmojnë në ndryshimin e humorit tuaj

Më: 17 tetor 2021 Në ora: 16:44
Foto ilustrim

Ushqimi luan një rol të rëndësishëm në përcaktimin e shëndetit tuaj të përgjithshëm, si fizik ashtu edhe mendor. Kjo ndodh sepse ajo që konsumoni përcakton se si ndiheni, thonë ekspertët.

Andaj më poshtë gjeni disa ushqime që sipas ekspertëve  ju ndihmojnë të ndiheni mirë.

Kakao ose çokollatë e zezë: E pasur me triptofan që përdoret nga truri ynë për të prodhuar serotonin, një neurotransmetues. Serotonina është një hormon kyç që ndihmon në stabilizimin e humorit tuaj.

Çaji jeshil: I pasur me antioksidantë si katekina (EGCG) e cila ndihmon në rritjen e funksionit të trurit. Gjithashtu rrit vigjilencën. Ndihmon për të mbajtur qetësinë dhe përmirësuar kujtesën.

Ushqimet e pasura me Omega-3: Ka përfitime të shumta. Është një acid yndyror thelbësor i cili ndihmon në kontrollin e sëmundjeve të zemrës, kontribuon në humbjen e peshës, vepron si një antioksidant, lehtëson lubrifikimin e nyjave, etj.

Piper i kuq: I pasur me vitaminë A, është një burim i vitaminës B6, një lëndë ushqyese thelbësore për zhvillimin dhe funksionimin normal të trurit, dhe ndihmon trupin të prodhojë hormonet serotonin dhe norepinefrinë (që ndikojnë në humorin).

Perimet me gjethe jeshile: Spinaqi, methi përmbajnë folate të vitaminës B; mungesa e folatit mund të pengojë metabolizmin e serotoninës, dopaminës dhe noradrenalinës, që janë të rëndësishëm për gjendjen shpirtërore.

Ushqimet e fermentuara: Ndihmojnë në rritjen e baktereve probiotike dhe ruajtjen e shëndetit të zorrëve. Ushqimet si kimchi, dhallë, lakër turshi, miso, tempeh, perime turshi, kefir, kos janë burime të pasura të probiotikëve. Këto e mbajnë humorin tonë optimist.

Arrat: Të mbushura me vitamina, minerale, proteina dhe yndyrna. Ato gjithashtu janë të pasura me magnez. Nivelet e ulëta të magnezit mund të çojnë në një rrezik në rritje të depresionit.

Kafeina: Ndihmon në përmirësimin e performancës dhe humorit duke shkaktuar lëshimin e dopaminës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat