Sandviçi i nxehtë dhe i lehtë për t’u përgatitur që do t’ua ngritë disponimin menjëherë

Ushqime

Sandviçi i nxehtë dhe i lehtë për t’u përgatitur që do t’ua ngritë disponimin menjëherë

Më: 10 janar 2022 Në ora: 06:05
Foto ilustrim

Sandviçët janë ndër ushqimet më të lehta për t’u përgatitur, si dhe më të preferuarat për t’u konsumuar në mëngjes

Ata nuk zënë shumë vend në çantë dhe mund t’i merrni me vete edhe në punë.

Sandviçi me domate të nxehta dhe djathë brusketa

Përbërësit:

▪ një baguette (bukë për sandviç),
▪ tri domate,
▪ një qepë,
▪ pak hudhër,
▪ gjysmë lugë gjelle borzilok të tharë,
▪ pak kripë dhe piper të zi,
▪ 200 gramë djathë mocarela.

Përgatitja:

I kombinoni domatet e prera me qepën, hudhrën, borzilokun, kripën dhe piperin në një tas. Ato i hidhni aty me kujdes, pastaj e mbuloni tasin me një kapak dhe e vendosni në frigorifer.

Furrën e nxehni në 190°C, ndërsa bukën për sandviç në mënyrë diagonale e preni në 12 rriska. E nxehni bukën në furrë për pesë minuta derisa të merr ngjyrë ari. Temperaturën e ktheni në 120°C.

Sallatën me domate e vendosni në bukë me një lugë gjelle. Çdo sandviç e mbuloni me rriska të holla të mocarelës.

Bukën e sandviçit e nxehni prapë në furrë derisa të shkrihet djathi (kjo merr kohë vetëm dy minuta).

Sandviçin e shijshëm e shërbeni menjëherë! 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat