Këto janë 5 ushqimet që është më mirë t’i blini të ngrira

Ushqime

Këto janë 5 ushqimet që është më mirë t’i blini të ngrira

Më: 2 maj 2022 Në ora: 17:16
Foto ilustrim

Versionet e ngrira të ushqimeve nuk priren për t’u prishur dhe ndonjëherë kanë më shumë vlera ushqyese sesa vetë ushqimet e freskëta.

Temperaturat e ulëta parandalojnë prishjen e shpejtë të të gjitha ushqimeve dhe do ju japin mundësinë t’i konsumoni edhe jashtë sezonit.

Ushqimet që është më mirë t’i blini të ngrira:

Pemët me kokrra

Manaferrat, mjedrat, luleshtrydhet dhe boronicat janë fruta të ëmbla të verës, por shpesh ndodh që myku të kapet edhe në raftet e dyqaneve. Versioni i ngrirë i tyre e shmang këtë problem.

Bizelja

Bizelet e ngrira përmbajnë më shumë lëndë ushqyese se ato të freskëta, dhe arsyeja për këtë qëndron në faktin se bizelet e freskëta humbasin vitaminat dhe mineralet disa orë ose ditë pas vjeljes.

Brokoli

Vlera ushqyese e brokolit nuk ndryshon nga ngrirja dhe brokoli i freskët së shpejti do të bëhet i zbehtë dhe i butë.

Mango

Problemi kryesor me zgjedhjen e mangos është gjendja e shkurtër e pjekurisë së përsosur. Por, kompanitë ushqimore e dinë se kur është koha më e mirë për të mbledhur fruta dhe për t’i ngrirë, kështu që versioni i ngrirë është një zgjedhje shumë më e mirë se ai i freskët.

Mish viçi i grirë

Mishi i grirë prishet më shpejt se një pjesë e tërë mishi, sepse ky mish është më i ekspozuar ndaj oksigjenit. Në këtë formë mishi është edhe më i ekspozuar ndaj baktereve, të cilat shumohen me shpejtësi, ndërsa versioni i ngrirë nuk do të lejojë formimin e baktereve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat