Zbulohen detaje të reja nga vdekja e një 25 vjeçare mëngjesin e sotëm në Vlorë. Sipas informacioneve vajza ishte shtetase e huaj, ndërsa ndërroi jetë pasi ra nga një anije turistike.
Lidhur me këtë ngjarje të rëndë është arrestuar punonjësi i anijes ku ndodhi aksidenti fatal që i kushtoi jetën të resë, personi që shihni në foto, Aleksandër Golemaj, 47-vjeç.
Golemaj ishte i fiksuar pas kapitenit Jack Sparrow, personazhit kryesor të serialit Pirates of the Caribbean, i luajtur nga Johny Depp, dhe e imitonte atë duke u veshur si një pirat.
“Specialistët për Hetimin e Krimeve në Komisariatin e Policisë Vlorë bënë arrestimin në flagrancë për veprën penale “Shkelja e rregullave të mbrojtjes në punë" të shtetasit A. G., 47 vjeç, banues në Vlorë.
Arrestimi i këtij shtetasi u bë pasi, mëngjesin e sotëm, nga anija turistike ku ishte i punësuar, dyshohet se është rrëzuar një shtetase ende e paidentifikuar, rreth 25 vjeçe, e cila për pasojë ka ndërruar jetë në spitalin e Vlorës. Vijon puna për identifikimin e saj.” – njofton policia.
