Anija turistike me 72 turistë francezë ankorohet në Vlorë

Vlora

Anija turistike me 72 turistë francezë ankorohet në Vlorë

Më: 21 prill 2022 Në ora: 15:56
Foto ilustrim

Anija turistike “La Belle De L’Adriatique” me 72 pasagjerë francezë mbërriti sot në portin e Vlorës.

Në një njoftim në Facebook, Porti i Vlorës bën të ditur se edhe pse sezoni turistik veror ende nuk ka nisur, porti vazhdon të mirëpres turistët nga shtete të ndryshme të botës.

Pas vizitës në port dhe në qytetin e Vlorës, turistët do të vizitojnë Kalanë e Kaninës dhe Parkun Arkeologjik të Apolonisë në Fier, ka shtuar Porti i Vlorës.

Mbërritja e anijeve turistike është pjesë e agjendës së Mesdheut, ku qyteti i Vlorës tashmë zë një vend të veçantë.

Mjaft agjenci turistike janë përfshirë në këtë drejtim, ndërkohë që numri i tyre pritet të rritet më tej në javët në vazhdim.

Javën që kaloi anija “La Belle De L’Adriatique” solli 81 turistë nga vende të ndryshme të botës, në Portin e Durrësit. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat