Zjarr në një fushë me goma/ Policia i vë prangat të riut, dalin detajet e fundit

Vlora

Zjarr në një fushë me goma/ Policia i vë prangat të riut, dalin detajet e fundit

Më: 21 dhjetor 2022 Në ora: 12:19
Vlorë

Ditën e sotme një person në Vlorë, banues në Fier, është vënë në prangat e policisë, për shkak se akuzohet se ka djegur goma automjetesh duke shkaktuar një ndotje të rëndë të ajrit. Ky shtetas dyshohet se ka djegur goma automjetesh, në lagjen “24 Maji”, dhe për pasojë është shkaktuar ndotje e mjedisit përreth.

Njoftimi i policisë:

Ndoti ajrin duke djegur goma automjetesh, identifikohet, kapet dhe vihet në pranga 24-vjeçari. Shërbimet e Komisariatit të Policisë Vlorë, menjëherë pas marrjes së njoftimit për ndotje të ajrit, për shkak të djegies së gomave të automjeteve, në lagjen “24 Maji”, pranë hidrovorit, kanë organizuar punën dhe falë veprimeve të shpejta hetimore dhe profesionale kanë bërë të mundur identifikimin, kapjen dhe arrestimin në flagrancë të autorit të dyshuar, shtetasit:

-S. Z., 24 vjeç, banues në Fier.

Ky shtetas dyshohet se ka djegur goma automjetesh, në lagjen “24 Maji”, dhe për pasojë është shkaktuar ndotje e mjedisit përreth. Gjithashtu, si pasojë e përhapjes së flakëve është djegur gardhi rrethues i hidrovorit dhe gardhi rrethues i një objekti tjetër privat.

Materialet hetimore i kaluan Prokurorisë, për veprime të mëtejshme, për veprat penale “Ndotja e ajrit” dhe “Shkatërrimi i pronës me zjarr”.

Sot mund të lexoni Shfletoni kopertinat