Djali presidentit të vrarë të Çadit, emërohet “president i republikës”

Afrika

Djali presidentit të vrarë të Çadit, emërohet “president i republikës”

Më: 21 prill 2021 Në ora: 17:24
Idriss Deby

Djali i udhëheqësit të vrarë të Chadit, Idriss Deby do të marrë detyrën e presidentit në vend të babait të tij, sipas një deklarate të lëshuar të mërkurën nga presidenca.

Ai tha se gjenerali Mahamat Idriss Deby, 37, i cili të martën u emërua me shpejtësi udhëheqës kalimtar si kryetar i një këshilli ushtarak pas vdekjes së babait të tij, do të “zërë funksionet e presidentit të republikës” dhe gjithashtu do të shërbejë si kreu i forcave të armatosura.

Vendimi shfuqizon kushtetutën e mëparshme dhe do të zbatohet si “ligji bazë i republikës”, në përputhje me termat e saj.

Deby është emëruar gjithashtu edhe “kreu suprem i forcave të armatosura”, tha ai, raporton aljazeera. Mahamat Deby njihet më së miri si një komandant i lartë i forcave Chadian që ndihmojnë një mision paqeruajtës të Kombeve të Bashkuara në veriun e paqëndrueshëm të Malit.

Këshilli ka për detyrë një tranzicion 18-mujor drejt “zgjedhjeve të lira dhe demokratike”. Kreu i ri i shtetit do të nxjerrë legjislacionin e miratuar nga 69 anëtarët e këshillit kombëtar të tranzicionit, të cilët emërohen drejtpërdrejt nga Mahamat. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat