Të paktën 16 persona janë vrarë në një sulm në një fshat në jugperëndim të Nigerit, ku sulmuesit kanë masakruar vazhdimisht civilë këtë vit, thanë një zyrtar lokal dhe një burim i sigurisë.
Personat e armatosur të paidentifikuar hapën zjarr gjatë lutjeve të së premtes në fshatin Theim në rajonin Tillaberi dhe vranë 16 vetë, tha kryebashkiaku Halido Zibo për agjencinë e lajmeve Reuters të shtunën.
Sulmi vjen pas vrasjes së 37 civilëve të hënën, përfshirë 14 fëmijë, në një fshat në të njëjtin rajon.
Thiem është rreth 20 km larg nga tre fshatra të tjerë ku një seri sulmesh nga luftëtarët e lidhur me grupin e armatosur të ISIS detyruan më shumë se 11,000 banorë të largoheshin gjatë muajit maj.
