Mega-diga e kontestuar në Nilin Blu nis prodhimin e energjisë për Etiopinë

Afrika

Mega-diga e kontestuar në Nilin Blu nis prodhimin e energjisë për Etiopinë

Më: 19 shkurt 2022 Në ora: 20:40
Foto ilustrim

Autoritetet në Etiopi kanë njoftuar se të dielën nis prodhimi i energjisë elektrike nga diga gjigante mbi lumin Nili Blu, e kontestuar ashpër nga vendet fqinje.

Projekti hidroelektrik ka qenë në qendër të një konflikti rajonal që prej nisjes në vitin 2011 për reduktimin e prurjeve të ujit për fqinjët Egjipti e Sudani.

“Nesër nis gjenerimi i energjisë nga diga,” tha sot një përfaqësues i qeverisë.

Egjipti e Sudani e konsiderojnë digën një kërcënim prej varësisë së tyre ndaj ujërave të Nilit, por Addis Ababa e konsideron thelbësore për elektrifikimin.

Tre qeveritë kanë diskutuar shpesh vitet e fundit për çështjen por deri tani nuk kanë gjetur një rrugëzgjidhje.

Diga që ka kushtuar $4.2 miliardë pritet të prodhojë më shumë se 5,000 megavat energji për Etiopinë, duke dyfishuar kapacitetin e saj.

“Energjia e re e gjeneruar nga diga GERD do të ringjallë ekonominë tonë të shkatërruar nga luftërat, ngritja e çmimeve të karburanteve dhe Covid-19,” ka thënë më herët qeveria.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat