Mbi 100 njerëz mbetën të vdekur pas një shpërthimi në Nigeri

Afrika

Mbi 100 njerëz mbetën të vdekur pas një shpërthimi në Nigeri

Më: 23 prill 2022 Në ora: 20:52
Foto nga vendi i ngjarjes

Më shumë se 100 njerëz kanë mbetur të vdekur pas një shpërthimi në një depo të paligjshme të naftës në shtetin nigerian të Riversit.

“Zjarri ndodhi në një depo të paligjshme dhe vrau mbi 100 njerëz, ku disa prej tyre u dogjën”, tha Komisioneri Shtetëror për Burimet e Naftës, Goodluck Opiah.

Papunësia dhe varfëria në shtetin nigerian e kanë bërë përpunimin e paligjshëm të naftës bruto në një biznes tërheqës, por me pasoja vdekjeprurëse, raporton canberrratimes.

Nafta e papërpunuar vidhet nga tubacionet në pronësi të kompanive të mëdha të naftës dhe përpunohet në rezervuare të improvizuara.

Procesi i rrezikshëm ka dërguar në shumë aksidente fatale dhe ka ndotur një rajon tashmë të dëmtuar nga derdhjet e naftës në toka bujqësore, përrenj dhe laguna.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat