Dhjetëra të vdekur pasi 4 varka u përmbysën në brigjet e Tunizisë

Afrika

Dhjetëra të vdekur pasi 4 varka u përmbysën në brigjet e Tunizisë

Më: 24 prill 2022 Në ora: 10:59
98 persona u shpëtuan në brigjet e Sfax.

Të paktën 12 persona kanë vdekur dhe 10 të tjerë janë zhdukur pasi katër varka me 120 emigrantë afrikanë dhe refugjatë u mbytën pranë Tunizisë teksa po përpiqeshin të kalonin Mesdheun për në Itali, tha një zyrtar i sigurisë për Reuters.

Ali Aayari, një nënkolonel në Rojet Bregdetare Tuniziane, shtoi se 98 persona u shpëtuan në brigjet e Sfax.

Vija bregdetare e Sfax-it është bërë një pikënisje kryesore për njerëzit që ikin nga konflikti dhe varfëria në Afrikë dhe Lindjen e Mesme dhe që kërkojnë një jetë më të mirë në Evropë.

Ministria e Brendshme tha këtë javë se kishte arrestuar më shumë se 20 mijë emigrantë dhe refugjatë në brigjet e saj vitin e kaluar. Të paktën 15 mijë arritën në brigjet e Italisë në vitin 2021.

Në muajt e fundit, dhjetëra njerëz janë mbytur në brigjet e Tunizisë, me një rritje të frekuencës së tentativave për kalime nga Tunizia dhe Libia drejt Italisë.

Qindra mijëra njerëz kanë bërë kalimin e rrezikshëm të Mesdheut vitet e fundit.

Shifrat nga Komisioneri i Lartë i OKB-së për Refugjatët (UNHCR) treguan se më shumë se 123 mijë emigrantë mbërritën në Itali në vitin 2021, krahasuar me më shumë se 95 mijë në 2020.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat