RSF akuzon ushtrinë sudaneze se ka sulmuar bazat e saj

Afrika

RSF akuzon ushtrinë sudaneze se ka sulmuar bazat e saj

Më: 27 prill 2023 Në ora: 12:58
Foto ilustrim

Forcat e Mbështetjes së Shpejtë  në Sudan e kanë akuzuar ushtrinë sudaneze se ua ka sulmuar një nga bazat e tyre në zonën Kafuri, qytetin Bahri, në veri të kryeqytetit Khartoum, me sulme ajrore dhe artileri.

Akuza erdhi në një kohë kur ushtria sudaneze kishte pranuar propozimin e presidentit të Sudanit të Jugut, Salva Kiir, për diskutime ballë për ballë, por RSF ende nuk i është përgjigjur propozimit.

RSF tha në Facebook: “Që në mëngjes, forcat puçiste ekstremiste kanë sulmuar kampin e Forcave të Mbështetjes së Shpejtë në zonën e Kafurit, me sulme ajrore dhe artileri. Trupat tona janë përballur me forcat sulmuese.”

Ushtria sudaneze nuk ka dhënë koment për këto akuza, shkruan BBC.

comment Për komente lëvizni më poshtë
Sot mund të lexoni Shfletoni kopertinat