Qindra të vdekur në Tanzani gjatë protestave zgjedhore

Afrika

Qindra të vdekur në Tanzani gjatë protestave zgjedhore

Më: 1 nëntor 2025 Në ora: 07:19
Tanzani

Qindra njerëz janë vrarë në Tanzani gjatë tre ditëve të protestave pas zgjedhjeve të përgjithshme të së mërkurës, tha partia kryesore opozitare e vendit.

Numri i të vdekurve ndryshon dhe një mbyllje e internetit në të gjithë vendin po e bën të vështirë verifikimin e shifrave, raporton BBC.

Ndërsa një zëdhënës i partisë opozitare Chadema i tha agjencisë së lajmeve AFP se “rreth 700” njerëz ishin vrarë në përleshjet me forcat e sigurisë, një burim diplomatik në Tanzani i tha BBC-së se kishte prova të besueshme se të paktën 500 njerëz kishin vdekur.

Qeveria është përpjekur të minimizojë shkallën e dhunës dhe autoritetet kanë zgjatur një shtetrrethim në një përpjekje për të shuar trazirat.

comment Për komente lëvizni më poshtë
Sot mund të lexoni Shfletoni kopertinat