Një valë e re sulmesh nga luftëtarët xhihadistë në Malin qendror ka çuar numrin e të vdekurve në ditët e fundit në të paktën 70, thanë të shtunën burime lokale dhe të sigurisë.
Sulmet e së premtes u morën përsipër nga "Grupi për Mbështetjen e Islamit dhe Myslimanëve" (JNIM), një grup terrorist i lidhur me al-Kaedën, i cili tha se kishte në shënjestër milicitë pro-qeveritare.
Sipas burimeve të tjera, të vdekurit mund të jenë të paktën 70.
JNIM, një nga grupet më aktive xhihadiste në rajonin e Sahelit, ka intensifikuar sulmet muajt e fundit, duke synuar si forcat e sigurisë ashtu edhe grupet lokale që mbështesin qeverinë. Këto zhvillime nxjerrin në pah përkeqësimin e situatës së sigurisë në Mali, pavarësisht përpjekjeve të autoriteteve për të frenuar aktivitetin e grupeve terroriste.
