Zëdhënësi i Metës publikon videon: Ja kandidati i Batonit që do të ndryshonte kufijtë - Bota Sot
Zëdhënësi i Metës publikon videon: Ja kandidati i Batonit që do të ndryshonte kufijtë

Aktuale

Zëdhënësi i Metës publikon videon: Ja kandidati i Batonit që do të ndryshonte kufijtë

Nga: A.ZH Më: 11 janar 2019 Në ora: 11:42
Baton Haxhiu

Në debatin për mosdekretimin e Gent Cakajt në postin e ministrit të Jashtëm të Shqipërisë, nga ana e presidentit Ilir Meta, është kyqur edhe këshilltari i këtij të fundit, Tedi Blushi.

Blushi ka publikuar një video të kandidatit Cakaj gjatë një interviste me Baton Haxhiun, ku kishte folur për korrigjimin e kufijve Kosovë-Serbi.

“Ja kandidati i Batonit në studion e tij, i cili do të ndryshonte gjithë kufijtë e Ballkanit Perëndimor”, ka shkruar ai sipër videos, përcjell Bota sot.

“Tani te korrigjimi i kufijve semantikisht kjo nuk është thjeshtë një operacion linguistik për ta relativizuar çështjen e këmbimit territorial, por situata ka evoluar tutje. Evoluimi i parë është, sepse po konceptohet në suaza të korrigjimeve të përgjithshme territoriale që janë duke ndodhur në Ballkanin Perëndimor”, kishte deklaruar Cakaj në emisionin e Haxhiut.

Në letrën e tij, presidenti Meta ka cituar Cakajn pikërisht për këtë qëndrim të tij rreth temës së korrigjimit të kufijve.

Këtë qasje të Cakajt, Meta e ka konsideruar si destruktive dhe të rrezikshme, duke refuzuar që ta dekretojë atë si ministër të Jashtëm të Shqipërisë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...