Arrestohet i dyshuari që vendosi mjet shpërthyes në një veturë në “Rrugën B”

Kronikë

Arrestohet i dyshuari që vendosi mjet shpërthyes në një veturë në “Rrugën B”

Më: 25 prill 2024 Në ora: 19:22
Policia e Kosovës

Policia e Kosovës ka bërë të ditur se mbrëmë ka arrestuar një person, i cili dyshohet se kishte vendosur mjet shpërthyes në një veturë në “Rrugën B” më 17 shkurt të këtij viti.

Sipas PK-së i arrestuari është K.K, 34-vjeç shtetas i Kosovës.

Ai është arrestuar në orët e vona të mbrëmjes së kaluar, ka thënë për teve1.info, zëdhënësi Agron Borovci.

“Arrestimi i të dyshuarit; K. K, mashkull, 34 vjeç, shtetas i Republikës së Kosovës, erdhi si rezultat i ndërmarrjes së veprimeve të specializuara operativo-policore, në kuadrin e procesit hetimor të këtij rasti. Përderisa policia po punon në mënyrë aktive për zbardhjen e plotë të rrethanave të ngjarjes, ndaj të dyshuarit me autorizimin e prokurorit të shtetit është iniciuar hetim në drejtim të veprës penale “Vrasja e rëndë në Tentativë. I njëjti me aktvendim mbi ndalimin e personit të dyshuar të nxjerrë nga ana e prokurorit të shtetit u dërgua në qendrën e mbajtjes prej 48 orësh”, ka thënë Borovci.

Ai dyshohet për veprën penale “vrasje të rëndë në tentativë”.

comment Për komente lëvizni më poshtë
Më të lexuarat
Sot mund të lexoni Shfletoni kopertinat