Limaj: Hapja e Zyrës së Doganës së Kosovës në Durrës, projekti i dytë më i rëndësishëm pas autostradës - Bota Sot
Limaj: Hapja e Zyrës së Doganës së Kosovës në Durrës, projekti i dytë më i rëndësishëm pas autostradës

Aktuale

Limaj: Hapja e Zyrës së Doganës së Kosovës në Durrës, projekti i dytë më i rëndësishëm pas autostradës

Më: 15 janar 2019 Në ora: 16:22
Edi Rama dhe Fatmir Limaj

Fatmir Limaj, koordinator kombëtar i dy qeverive, ka marrë pjesë në hapjen e Zyrës Doganore në Durrës. Me këtë rast ai tha se ky është projekti i dytë më i rëndësishëm, pas atij të autostradës.

"Sot është një moment i rëndësishëm i thellimit të bashkëpunimit. Besoj që ky është projekti i dytë më i rëndësishëm që pas shpalljes së pavarësisë, pas atij për ndërtimin e autostradës. Nga 4 vendime që ka marrë në Pejë dy qeveritë dhe kjo është e dyta që po realizohet. E para është pikat e përbashkëta kufitare dhe e dyta është kjo. Kjo tregon se në takimet e përbashkëta nuk janë ashtu siç janë quajtur, por kemi kaluar në veprime konkrete. Hapja e kësaj zyre është lajm i mirë për të dyja vendet. Nga sot Kosova e ka portin e saj, si qendër e rëndësishme të zhvillimit ekonomik", tha ai.

“Pas një pune të përbashkët, për një projekt madhor për ndërtimin e autostradës Tiranë-Prishtinë, sot në këtë ditë bashkëprojekti më i rëndësishëm konkret mes Kosovës dhe Shqipërisë. Integrimi i Doganës si vizion i përbashkët i yni për unionin doganor Kosovë-Shqipëri. Në cilësinë e Koordinatorit të Përbashkët Kombëtar mes qeverisë së Kosovës dhe Shqipërisë të zgjedhur në mbledhjen e dy qeverive në Pejë, kam nderin t’u informoj se nga katër vendimet që u morën në mbledhjen e Pejës ne sot po implementojmë marrëveshjen e dytë. E para është integrimi i kufijve që filloj në fillim të vitit dhe do të përfundojë në mars, ndërsa sot Dogana praktikisht e Kosovës po kthehet apo po themelohet në portin e Durrësit që është një sinjal i vizionit tonë të përbashkët të një unioni doganor”, ka shtuar zëvendëskryeministri kosovar Fatmir Limaj.

Image
Image
Image
Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...