Haradinaj flet me emra: Thaçi dhe Rama qëndrojnë pas idesë së dhënies së tokës për njohje - Bota Sot
Haradinaj flet me emra: Thaçi dhe Rama qëndrojnë pas idesë së dhënies së tokës për njohje

Aktuale

Haradinaj flet me emra: Thaçi dhe Rama qëndrojnë pas idesë së dhënies së tokës për njohje

Më: 1 mars 2019 Në ora: 21:06
Ramush Haradinaj

Kryeministri i Kosovës, Ramush Haradinaj ka akuzuar presidentin Hashim Thaçi dhe kryeministrin shqiptar, Ramush Haradinaj, se qëndrojnë pas idesë së dhënies së tokës, për të fituar njohjen nga Serbia.

Në një intervistë për RTK, Haradinaj ka theksuar se çdoherë e ka pasur një kusht të sinqertë, duke pohuar se në çdo vend e ka kundërshtuar kushtin, që njohja të  blihet duke dhënë tokë.

Po ashtu ai pohoi se është lënë të kuptohet në shumë raste që presidenti ynë dhe pastaj kryeministri Rama, e kanë përkrah idenë e dhënies së tokës, për njohje.

Ai ka pohuar se në çdo takime  ka këshilluar presidentin, që të mos e vazhdojë këtë ide, sepse do të sjellë tragjedi për tërë popullin.

“Kush do që ma qel temën e ndarjes, është armiku imi. Këtë e kam thënë në takime, jo pas shpine. E kam bërë edhe me presidentin, edhe në takime tjera”, tha ai dhe shtoi se lëvizja e kufijve është agjendë e Rusisë, sepse ka agjendë për lëvizjen e kufijve në Ballkan.

Ai pohoi se nuk rrezikohen marrëdhëniet me Amerikën, sepse kërkesa e tyre është pezullimi i taksës. Ai tha se taksa është shfrytëzuar për ta dëmtuar udhëheqësin e qeverisë, “të më dëmtojnë mua”.

“Amerika është si vëllai i madh, sepse po na teston deri ku mund të këmbëngulim ne”, tha ai.

I pyetur se pse nuk po e dëgjon kërkesën e amerikane për taksën, ai tha se nuk lëshon pe para Serbisë dhe Rusisë.

Ai po ashtu tha se ekziston një bindje që ka një paramarrëveshje, por që atë nuk e ka pa dhe nuk ka si të ecë përpara pa e pa marrëveshjen.

Kryeministri është shprehur edhe njëherë se taksa nuk hiqet pa njohje të Kosovës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...