Agjencia e OKB-së për refugjatët në Prishtinë (UNHCR) do të mbajë një takim të dialogut të hapur për të ngritur vetëdijen për Marrëveshjen Globale për Refugjatët.
Marrëveshja Globale për Refugjatët flet për rëndësinë e pritjes, të mbrojtjes dhe të ndihmës për refugjatët.
Kjo ngjarje, po ashtu do të jetë një mundësi për të gjithë pjesëmarrësit që të kontribuojnë me ide se si të krijohet një ambient i favorshëm për integrim të plotë socio-ekonomik të refugjatëve.
Takimi mbahet në kuadër të shënimit të ditës botërore të refugjatëve.
