Të premten i masin forcat Anton Quni dhe Driton Selmanaj. Kush do ta udhëheqë LDK-në në Prizren? - Bota Sot
Të premten i masin forcat Anton Quni dhe Driton Selmanaj. Kush do ta udhëheqë LDK-në në Prizren?

Aktuale

Të premten i masin forcat Anton Quni dhe Driton Selmanaj. Kush do ta udhëheqë LDK-në në Prizren?

Më: 25 qershor 2019 Në ora: 23:28
Driton Selmanaj dhe Anton Quni

Dega e LDK-së në Prizren ka ardhur në fund të procesit të brendshëm zgjedhor.

Procesi zgjedhor tashmë është përmbyllur në të gjitha nëndegët e Prizrenit dhe të premten do të votohet për kryesinë e re të degës dhe kryetarin.

Në këtë proces pritet të marrin pjesë 101 delegatë.

Nga kjo degë, në Kuvendin e përgjithshëm të LDK-së do të marrin pjesë 18 delegatë.

Për kryetar të kësaj dege kandidojnë dy deputetë, Anton Quni dhe Driton Selmanaj.

Gara pritet të jetë e ashpër, pasi që të dy kandidatët pretendojnë se i kanë votat e shumicës së 101 delegatëve.

Deri më tash kryetar i kësaj dege ka qenë Haxhi Avdyli, po ashtu deputet në Kuvendin e Kosovës.

Kuvendi do të mbahet të premten me fillim nga ora 17:00.

Të kujtojmë se në disa degë dhe nëndegë të LDK-së gjatë këtij procesi zgjedhor ka pasur përplasje të ashpra ndërmjet kandidatëve dhe delegatëve. Kjo ka çuar edhe në rrahje dhe arrestime.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...