Deputeti i PDK-së, njëherësh propozues i njërit amandament për sponsorizimin e sportit dhe kulturës, u shpreh se fitimi prej 30 milionë që ka do të fitojë drejtpërdrejt sporti, do të jetë në dorën e biznesit në bazë të kritereve të caktuara se ku dëshirojnë për t’i investuar.
Haxhiu tha se është e drejtë e biznesit që të përcaktojë se ku dëshiron të çojë investimet e veta.
Haxhiu: E kemi bërë 30 përqind për sportin dhe 20 për kulturën, pasi kjo e fundit financohet drejtpërdrejt nga shteti
“Pse atëherë e bëmë 30 përqind për sportin dhe 20 përqind për kulturën? Sepse kultura financohet drejtpërdrejt edhe prej buxhetit të shtetit ndërsa sporti jo. Pra, e dini buxheti për teatrin, për ansamblin ‘Shota’ dhe shumë institucione tjera kulturore financohen drejtpërdrejt nga buxheti i shtetit. Por, ne deshëm të bëjmë atë që duhet bërë për sportin, që biznesi të përcaktojë interesin e tij se ku do të investojë. Përafërsisht po e them, që kjo 30 milionë që ka me fitu sporti, ka me qenë në dorën e biznesit që në bazë të kritereve të përcaktuara se ku dëshiron me i investu ”, tha ai.
Haxhiu lexoi para deputetëve amendamentin që ka propozuar për sponsorizim të sportit.